Å gi teksten ei god grafisk utforming
I sluttføringsfasen handlar det òg om å ha strategiar for å gi teksten ei god grafisk utforming.
Dette dreier seg om val av skrifttypar, sideoppsett og bruk av illustrasjonar – med andre ord om å gjere teksten presentabel for ein lesar. I god skriveopplæring sluttfører elevane tekstane sine og tekstane blir publisert. Når tekstane til elevane på ein eller annan måte blir publisert, det kan vere som innlegg i lokalavisa, på heimesida til skolen, tekstar som blir brukt i undervising for yngre elevar, som blir presentert for medelevar i klassen og så vidare, blir skrivearbeidet understreka som viktig. Dette er ein viktig motivasjonsfaktor i arbeidet til elevane med å sluttføre tekstane sine.
Publisert 26. januar 2021
(Sist revidert 18. mars 2024)