Offisiell opning av det nye Skrivesenteret

Nasjonalt senter for skriveopplæring og skriveforskning (Skrivesenteret) opnar offisielt fredag den 21. august. Opningsarrangementet blir halde ved Høgskolen i Sør-Trøndelag, Avdeling for lærar- og tolkeutdanning, på Rotvoll i Trondheim.

Arrangementet kjem til å ha både ein fagleg og ein sosial del. Fagpersonar frå både inn- og utland vil delta og halde innlegg om aktuelle problemstillingar: Skriving i skolen, skriveforsking og skriving generelt. I tilknytning til dette fagseminaret samlast deltakarane både til lunsj og til middag.

Skrivesenteret håper at dette opningsarrangementet vil samle fagfolk og fagleg interesserte frå heile landet, og skape ei god plattform for vidare samarbeid og fagleg utvikling. For meir informasjon om det faglege og sosiale programmet på opningsarrangementet, sjå Program.

Påmelding til opningsarrangementet kan ein gjere på Skrivesenterets heimesider. Påmeldingsfrist er sett til 15. juni.

Deltaking, lunsj og middag er i utgangspunktet gratis for alle påmeldte, men ved stor pågang er det atterhald om plass. Deltakarar som kjem til Trondheim må sjølve stå for reise og losji. Informasjon om reise til Trondheim og høvelege hotell o.l. vil bli samla her.

Ved evnt. spørsmål, ta gjerne kontakt med oss per tlf. eller e-post. Spørsmål om opningsarrangementet kan rettast til Synnøve Matre (synnove.matre [at] skrivesenteret.no / tlf. 735 59894) eller Ingfrid Thowsen (ingfrid.thowsen [at] hist.no / tlf. 735 59869).

Ved problem med nettsidene eller påmeldingsskjemaet, kontakt Ivar Ørstavik (ivar.orstavik [at] skrivesenteret.no / tlf. 735 58989).

Vi ser fram til å treffast!